اویرنجی‚ گون نئینی یر

19 آذر ایران چرچیوه سینده اویرنجی گونو آدلانیر . موختلیف فستیواللار  

 بو گونده کئچیر کی اویرنجیلرین شادلانماسینا سبب اولاراق اونلاری بیر  حالدا اوز اویرنجیسال کیملیکلرینه تانیشلاندیریر. کیملیکه باره دانیشمیرام آیدین دیر اینسان یاشاییشیندا بویوک و تایسیز رول اویناییر. بونلاری دئمه کدن اوز بیلیم یوردوموزدا(بیلمه ینلره:اورمیه تکنیک بیلیم یوردو)بو گونده کئچمه ین  فستیوالا  قصد ائدیرم کی اونجه " یکشنبه"یه قرار وئریلمیش  سونرا "پنجشنبه"سونرا"جمعه"و داها سونرا گلن "یکشنبه"یه دئییشیلمیش دیر. بو دئییشیل مه ک لر نه اوچون اولدو کئچه ک اویرنجینی اوز کیملیکینه اوزگه ائله مکده اویرنجی دن باشقا کیمه ضررلی دیر . یقین بو عملر باعث اولار او اویرنجی کی اوزونو  بو دالا سالینمیش کیملیکده گورمیر  باشقا کیملیکلره باش قویاجاق  و بئله حالدا هر بیر حادثه ایله اوزاوزه اولماغا گرک حاضیر اولاسان . بو دالا سالینمالار اویرنجیلر آغیزلارینا گلمه سده  ایچینده اوزونه توهین حساب ائدیر . ائشیتدیم بیر کس دئدی : اویرنجی‚ گونو نئینه ییر !؟گئجه کی داها یاخشی دیر اوندا ساکینلیق وار راحاتچیلیق وار هئچ بیر مزاحیم یوخدور ... اآ  دوز دور او حالدا کی گوندوز اوز یئرینی قارانلیق گئجه یه وئریر  گون نه ایشچیدیر...

اما ای باجیلار و قارداشلار اما بیلیریق و اینانیریق کی یاشاییشین  آخاری ‚شادلیقین سارایی ‚اینسانلیقین حیاتی گوندوزده دیر . بس نییه بئله گئجه نین اولومون سئویریق ‚اولمایا یاتمیشیک بیز ‚اولسا من دورماق ایستیرم بو آغیر یوخودان.

داها سیز سئچین اویرنجیلر گونو ایسته ییر سیز یوخسا اویرنجیلر گئجه سی.

اویرنجی گونوز قوتلو اولسون.