هر گؤلدن بیر بال پایی
اوره ک و دیله ک لریمیزی و آغیللاریمیزی پایلاشاقهر گؤلدن بیر بال پایی
اوره ک و دیله ک لریمیزی و آغیللاریمیزی پایلاشاقوطن داش
وطنداش! نه گوزل سسله نیر بو سوز
یعنی بیر وطنین اولادییق بیز
انامیز عینی دیر قارداشیق دئمک
من سنه ارخایام سن منه کومک
وطنداش!نه گوزل سسله نیر بو سوز
یعنی ایکی جاندا بیر اوه ییک بیز
'گوجسوزوک. بیز هئچیک. سن ده منده تک
وطنه گووه نیب اولدوق وطنداش
منیم اوره گیمی قاناتسین گرک
سنین دیرناغینا ده ین چیرتما داش
وطنداش! نه گوزل سسله نیر بو سوز
یعنی بیر اقلیمده بویوموشوک بیز
سنی ده منی ده بویودن وطن
سنه ده انا دیر منه ده انا
سنده جواب دئسن منده هر زمان
واحد انامیزین خوشبختلیغینا
وطنداش! نه گوزل سسله نیر بو سوز
یعنی بیر قایناقدان سو ایچمیشیک بیز
او سو قلبیمیز ده جوشدو قاینادی
عینی بیر ادیله تانیتدی بیزی
وطنین عنوانی وطنین ادی
بیزه خاطیرلاتدی وظیفه میزی
وطنداش! نه گوزل سسله نیر بو سوز
وطن ابدی دیر گئدرگییک بیز
انسان قدرتلی دیر اوز وطنینده
بیلیریک دونیایا بیز نییه گلدیک
او بیزی یارادان بیز اونا بنده
یارادان اوغروندا اولمه یه گلدیک بیز
(بختیار وهاب زاده)
